Փաշինյանը մանրամասներ է հայտնել Ռուբիոյի հետ ունեցած հեռախոսազրույցից
Հայաստանի վարչապետ Նիկոլ Փաշինյանը մանրամասներ է հայտնել ԱՄՆ պետքարտուղար Մարկո Ռուբիոյի հետ հեռախոսազրույցից։
Նրա խոսքով՝ հեռախոսազրույցը երկու երկրների ռազմավարական գործընկերության նկատմամբ վերաբերմունքի հետաքրքրության վերահաստատումն էր և արձանագրումը, որ այդ օրակարգը շարունակում է նույնքան հրատապ լինել ԱՄՆ գործող վարչակազմի համար։ Խոսակցության երկրորդ թեման տարածաշրջանային իրավիճակն է եղել, մասնավորապես, խաղաղության գործընթացն, ու ԱՄՆ պետքարտուղարը նույնպես այդ արձանագրումն արել է:
Ըստ Փաշինյանի, երկուսն էլ միակարծիք են եղել, որ արդյունքը չպետք է կորսվի, և խաղաղության համաձայնագիրն արագ պետք է ստորագրվի, վավերացվի և ուժի մեջ մտնի երկու երկրներում։
