Ռուսաստանը զենք է մշակում տիեզերքում ենթակառուցվածքները թուլացնելու համար. ԱՄՆ ազգային հետախուզություն
ԱՄՆ հետախուզական համայնքը կարծում է, որ Ռուսաստանը մշակում է հակաարբանյակային զենք և այլ զինատեսակներ՝ ԱՄՆ-ի և նրա դաշնակիցների մերձերկրային տիեզերական ենթակառուցվածքը թուլացնելու համար։ Այս մասին ասվում է երկրի առջեւ ծառացած սպառնալիքների վերաբերյալ ԱՄՆ Ազգային հետախուզության տնօրենի գրասենյակի հրապարակված զեկույցում։
«Ռուսաստանը նաև զարգացնում է նոր հնարավորություններ և հակաարբանյակային զենքեր՝ ուղղված Միացյալ Նահանգների և նրա դաշնակիցների տիեզերական ենթակառուցվածքի թուլացմանը»,-ասվում է փաստաթղթում։
