ՌԴ-ն հայտնել է ամերիկյան պատվիրակության հետ բանակցությունների մանրամասները

ՌԴ Դաշնային խորհրդի միջազգային հարցերով կոմիտեի ղեկավար Գրիգորի Կարասինը մանրամասնել Ռիադում ռուսական և ամերիկյան պատվիրակությունների միջև տեղի ունեցած բանակցությունների մանրամասները։ Այս մասին  տեղեկացնում է ՏԱՍՍ-ը:

Նրա խոսքով՝ կողմերին հաջողվել է շատ խնդիրներ քննարկել, սակայն կոնկրետ թեմաներ չի նշել։ Սենատորը նշել է, որ տեղի է ունեցել բարդ, բայց օգտակար երկխոսություն։

«Ամեն ինչ քննարկվել է, եղել է հագեցած, բարդ երկխոսություն, բայց շատ օգտակար մեզ և ամերիկացիների համար... Իհարկե, ամեն ինչը չէ, որ լուծվել է, ամեն ինչում չէ, որ համաձայնել ենք, բայց այն, որ նման խոսակցություն է տեղի ունեցել, ինձ թվում է, շատ ժամանակին է՝ հաշվի առնելով նոր վարչակազմի և նոր քաղաքական գործիչների գալը, ովքեր եկել էին փորձագիտական ​​խմբերի հանդիպմանը», - ասել է սենատորը:

Կարասինը պարզաբանել է, որ Ռուսաստանի և ԱՄՆ-ի միջև բանակցությունները կշարունակվեն միջազգային հանրության, այդ թվում՝ ՄԱԿ-ի և «առանձին երկրների» մասնակցությամբ։ Նա համոզված է, որ ամերիկյան կողմը նույնպես շահագրգռված է երկխոսության շարունակմամբ։