Վարդան Ղուկասյանի տեղն իրոք գաղութում է. Սիմոնյան
Գյումրիում կամ Հայաստանի Հանրապետությունում ինչ-որ մեկն այլ կարծիք ունի՞, որ Վարդանիկը, Մարտունը և մնացածը ներկայացնում են նախկին իշխանությունները: Այս մասին լրագրողների հետ զրույցում հայտարարել է ԱԺ նախագահ Ալեն Սիմոնյանը:
«Ես հավատում եմ գյումրեցու իմաստությանը և գիտեմ, որ նա բոլորին լավ է ճանաչում, բոլորի ձևերը լավ գիտի»,- ասել է նա:
Սիմոնյանը նաև խոսել է Գյումրիի նախկին քաղաքապետ Վարդան Ղուկասյանի՝ ՔՊ-ականներին ուղղված առաջարկի մասին:
«Նախ և առաջ նա չի հասկացել, թե որտեղ է հայտնվել: Իսկ իր տեղն իրոք գաղութում է, ինձ այդպես է թվում».- ասել է նա:
