Հայտնի է՝ ինչ են պայմանավորվել ԱՄՆ-ը և Ռուսաստանը
Սպիտակ տան հայտարարություն է տարածել Սաուդյան Արաբիայում Ռուսաստանի և ԱՄՆ-ի բանակցություններից հետո:
Սպիտակ տան հայտարարության մեջ ասվում է, որ կողմերը Էր Ռիադում նաև պայմանավորվել են ապահովել անվտանգ նավարկություն, բացառել ուժի կիրառումը Սև ծովում
Մոսկվան և Վաշինգտոնը պայմանավորվել են միջոցներ մշակել Ռուսաստանի և Ուկրաինայի էներգետիկ օբյեկտներին հարվածներն արգելող համաձայնագրի իրականացման համար։
ԱՄՆ-ն կօգնի Ռուսաստանին կրկին մտնել գյուղատնտեսական և պարարտանյութերի արտահանման համաշխարհային շուկաներ։ Այդ նպատակով ԱՄՆ-ն կօգնի ընդլայնել Ռուսաստանի մուտքը նավահանգիստներ և վճարային համակարգեր։
Նշվում է նաև, որ երկրները պայմանավորվել են շարունակել աշխատել Ուկրաինայում կայուն խաղաղության հասնելու համար։
