ՀԱՊԿ-ը պետք է իրեն վերանայի ու հասկանա՝ գոյություն ունի, թե՝ չէ. Սիմոնյան
ԱԺ նախագահ Ալեն Սիմոնյանը լրագրողների հեը զրույցում անդրադարձել է ՀԱՊԿ-ի հետ Հայաստանի հարաբերություններին։
«ՀԱՊԿ-ը պետք է իրեն վերանայի ու հասկանա՝ գոյություն ունի, թե՝ չունի: Եթե գոյություն ունի, ապա որտեղ է իր սահմանը, ինչ պետք է անի և ինչ չի արել և ինչ է արձանագրում»,- ասել է նա։
Հիշեցնենք՝ «Միասին հանուն խաղաղության և ժողովրդավարության» պանելային քննարկման ժամանակ Ալեն Սիմոնյանը ասել էր, որ երբ մեր վրա հարձակվեցին, ՀԱՊԿ-ից ոչինչ չլսեցինք, արձագանքեցին ժողովրդավարական երկրները:
«Ժողովրդավարությանը պետք է նայենք անվտանգության տեսակետից: Անվտանգությունը այս պահին Հայաստանի համար մեծագույն մարտահրավեր է: Մենք սպասում էինք, որ արձագանք կտան անվտանգային համակրգերը, օրինակ` ՀԱՊԿ-ը, բայց մենք ոչինչ չլսեցինք»,- ասել է նա:
