Ադրբեջանի ԱԳՆ-ն շարունակում է պահանջներ ներկայացնել Հայաստանին
Եթե Հայաստանը շահագրգռված է խաղաղության պայմանագրի ստորագրմամբ, ապա ժամանակ չկորցնելով պետք է փոփոխություններ կատարի իր Սահմանադրության մեջ: Այս մասին հայտարարություն է տարածել Ադրբեջանի ԱԳՆ-ն՝ շարունակելով պահանջներ ներկայացնել Հայաստանին:
«Հայաստանի արտգործնախարարին քաջ հայտնի է, որ Սահմանադրության մեջ դրույթը վերացնելու պահանջը, ինչպես նաև ԵԱՀԿ Մինսկի խմբի վերացումը վերջին 2,5 տարվա ընթացքում բանակցային գործընթացի կարևոր թեմաներից են եղել», - հայտարարել են գերատեսչությունում:
Ավելի վաղ ՀՀ արտաքին գործերի նախարար Արարատ Միրզոյանը հայտարարել է, որ պաշտոնական Երևանը Բաքվին առաջարկել է սկսել խորհրդակցություններ՝ որոշելու խաղաղության համաձայնագրի ստորագրման տեղը, ժամը և մյուս մանրամասները:
