Ստամբուլի քաղաքապետը կալանավորվեց

Թուրքական դատարանը կիրակի օրը կաշառքի մեղադրանքով կալանավորել է Ստամբուլի քաղաքապետ Էքրեմ Իմամօղլուին:

Իմամօղլուին բանտ ուղարկելու որոշումը կայացվել է այն բանից հետո, երբ գլխավոր ընդդիմադիր կուսակցությունը, եվրոպական առաջնորդները և տասնյակ հազարավոր ցուցարարներ քննադատել են նրա դեմ գործողությունները որպես քաղաքականացված և ոչ ժողովրդավարական:

Նշենք՝ Ստամբուլի քաղաքապետը չորեքշաբթի ձերբակալվել է կաշառակերության և ահաբեկչական խմբավորմանը օժանդակելու մեղադրանքներով: Իմամօղլուն հերքում է մեղադրանքները: