Թրամփը՝ Պուտինի և Զելենսկիի հետ ունեցած հեռախոսազրույցների մասին
ԱՄՆ նախագահ Դոնալդ Թրամփը Ռուսաստանի նախագահ Վլադիմիր Պուտինի և Ուկրաինայի նախագահ Վլադիմիր Զելենսկիի հետ ունեցած զրույցներն անվանել է «շատ լավ» և հայտարարել, որ հավատում է, որ «արյունահեղությունը դադարեցնելու» համար կհասնեն համաձայնության:
«Մենք երկու շատ լավ հեռախոսազրույց ենք ունեցել, և ես իսկապես հավատում եմ, որ համաձայնություն ձեռք կբերվի, որպեսզի մենք կարողանանք դադարեցնել արյունահեղությունը, որը տեղի է ունենում այնտեղ», - Breitbart պորտալին տված հարցազրույցում հայտարարել Է Թրամփը:
Նշենք, որ Թրամփ-Զելենսկի հեռախոսազրույցը տեղի է ունեցել երեկ՝ մարտի 19-ին և տևել է մոտ մեկ ժամ, որի ընթացքում Թրմափը Զելենսկիին ներկայացրել է Պուտինի հետ շփման արդյունքները։ Իսկ Ռուսաստանի և ԱՄՆ-ի նախագահները հեռախոսազրույց են ունեցել մարտի 18-ին, որը տևել է մոտ երկու ժամ:
