Եվրոպան վերածվել է պատերազմի կուսակցության․ Պեսկով

Եվրոպան վերածվում է պատերազմի կուսակցության, իսկ  Բրյուսելի ազդանշանները հիմնականում վերաբերում են Եվրոպայի ռազմականացման ծրագրերին, հայտարարել է ՌԴ նախագահի մամուլի քարտուղար Դմիտրի Պեսկովը, գրել է «Ռիա Նովոստի»-ն։

«Բրյուսելի և եվրոպական մայրաքաղաքների կողմից ազդանշանները ներկա պահին վերաբերում են Եվրոպայի ռազմականացման ծրագրերին, այլ ոչ թե խաղաղ կարգավորմանը, ինչն ակնհայտորեն հակասում է Ռուսաստանի և ԱՄՆ նախագահների տրամադրվածությանը՝ կարգավորման խաղաղ գործընթացին դուրս գալու ուղիներ փնտրելու հարցում։ Այսինքն՝ Եվրոպան առայժմ հարվածել է, իր ռազմականացմանը և ավելի շուտ վերածվել պատերազմի կուսակցության», - ասել Է Պեսկովը ։