2 ամիս ժամանակ․ Թրամփը զգուշացրել է Իրանին
ԱՄՆ նախագահ Դոնալդ Թրամփը Իրանի գերագույն առաջնորդ Ալի Խամենեիին ուղղված նամակում երկու ամսվա ժամկետ է սահմանել միջուկային նոր գործարք կնքելու համար: Այդ մասին գրում է Axios-ը՝ հղում անելով ուղերձի մասին տեղյակ երկու աղբյուրների:
Նշվում է, որ Թրամփի նամակը Խամենեիին «կոշտ» է եղել։ Ըստ աղբյուրի՝ Թրամփն առաջարկել է բանակցություններ սկսել նոր համաձայնագրի շուրջ և զգուշացրել է Իրանին այդ առաջարկից հրաժարվելու հետևանքների մասին։
Թրամփը հասկացրել է, որ մտադիր չէ անվերջ բանակցել և արդյունք է ակնկալում 2 ամսվա ընթացքում։
Պարբերականը նշել է, որ հաշվարկի մեկնարկի պահը պարզ չէ. այն կարող է լինել կամ նամակի ուղարկման օրը, կամ երկու երկրների բանակցությունների մեկնարկի ժամանակահատվածը։
