Սրբուհի Գալյանը` Սահմանադրության տեքստի մասին
Նոր Սահմանադրության տեքստը պատրաստ լինելուն պես այն հրապարակվելու է, դրվելու է հանրային քննարկման, այս պահի դրությամբ դեռ պատրաստի պրոդուկտ չունենք: Այս մասին ԱԺ-ում լրագրողների հետ զրույցում հայտնել է արդարադատության նախարար Սրբուհի Գալյանը:
Հարցին՝ վարչապետ Նիկոլ Փաշինյանը հայտարարել է, թե նոր Սահմանադրությունը տարածաշրջանային նշանակություն է ունենալու, դա ինչպե՞ս է արտացոլվելու, Գալյանն պատասխանել է. «Խաղաղությունը և խաղաղության պայմանագիրը և խաղաղությանը միտված հարաբերությունները չվտանգող Սահմանադրության մասին է խոսքը»:
Ճշտող հարցին՝ այնպես պետք է աշխատեք, որ Սահմանադրությունը չվտանգի՞ խաղաղության համաձայնագիրը, նախարարը հստակեցրել է. «Մեր վարքագիծը և գործելաոճը ցանկացած դեպքում պետք է կառուցենք այնպես, որ մեր երկրում հաստատվի խաղաղությունը և զարգանա անվտանգային միջավայրը»:
Նա միևնույն ժամանակ նշել է, որ չի կարծում, թե գործող Սահմանադրությունը դրան խանգարում է և հավելել է, որ Սահմանադրության միակ տերը ժողովուրդն է և ժողովուրդն է ընտրելու ունենա՞լ X Սահմանադրություն, թե՝ չունենալ:
