Ուկրաինայի ԱԳ նախարարը բանակցություններում նշել է Կիևի երեք «կարմիր գիծ»
Ուկրաինան մտադիր չէ պաշտոնապես ճանաչել տարածքների կորուստը, արձանագրել իր հրաժարումը ՆԱՏՕ-ին և Եվրամիությանն անդամակցելուց կամ համաձայնել սահմանափակել իր զինված ուժերը։ Այս մասին RBC-Ukraine հրատարակությանը տված հարցազրույցում հայտնել է Ուկրաինայի արտաքին գործերի նախարար Անդրեյ Սիբիգան։
Նրա խոսքով՝ Ուկրաինան երբեք չի «ճանաչի» տարածքների կորուստը, ինչպես նաև համոզված է, որ ոչ ոք չի կարող Ուկրաինային արգելել մասնակցել «այս կամ այն միությանը»։
«Երրորդ, Ուկրաինայի պաշտպանունակության սահմանափակումներ չեն կարող լինել, մեր բանակի հզորության, մեր հնարավորությունների սահմանափակումներ չեն կարող լինել»,- պնդել է նա՝ պատասխանելով Ուկրաինայի «կարմիր գծերի» մասին հարցին՝ բանակցություններ սկսելու դեպքում։
