Լավրովը Ռուբիոյի հետ քննարկել է հետագա քայլերը
Պետքարտուղար Մարկո Ռուբիոն Ռուսաստանի արտաքին գործերի նախարար Սերգեյ Լավրովի հետ հեռախոսազրույցում քննարկել է Սաուդյան Արաբիայում վերջին հանդիպումներից հետո հետագա գործողությունները, հայտնում է ԱՄՆ Պետդեպարտամենտը։
Գերատեսչությունն ընդգծել է, որ Ռուբիոն և Լավրովը պայմանավորվել են շարունակել աշխատանքը Մոսկվայի և Վաշինգտոնի միջև կապերի վերականգնման ուղղությամբ։
Հիշեցնենք` փետրվարի 18-ին Էր Ռիադում կայացել են ռուս-ամերիկյան բարձր մակարդակի բանակցություններ։ Մոսկվայից դրանց մասնակցել են արտգործնախարար Սերգեյ Լավրովը եւ նախագահի օգնական Յուրի Ուշակովը։ Վաշինգտոնը ներկայացնում էին պետքարտուղար Մարկո Ռուբիոն, Ազգային անվտանգության հարցերով խորհրդական Մայքլ Վալցը և Մերձավոր Արևելքի հարցերով հատուկ բանագնաց Սթիվեն Վիտկոֆը։
