Հութիների արձակած հրթիռն ընկել է Եգիպտոսում` Շարմ էլ-Շեյխից ոչ հեռու
Հութիների արձակած հրթիռն ընկել է Եգիպտոսում։ Այս մասին հայտնում է Kan-11 կայքը։ Հրթիռի կործանման վայրը Սինայի հարավում է՝ Շարմ էլ-Շեյխից ոչ հեռու, Իսրայելի սահմանից և Էյլաթից 200 կիլոմետր հեռավորության վրա։
Իսրայելի պաշտպանության բանակի փորձագետները ներկայումս հետաքննում են, թե արդյոք հրթիռն արձակվել է Իսրայելի ուղղությամբ։ Այս պահին դա հաստատել հնարավոր չէ։ Սակայն Իսրայելի ռազմաօդային ուժերն ու ՀՕՊ-ն արդեն մի քանի օր է, ինչ պատրաստ են Եմենից հրթիռային հարձակման համար:
Հիշեցնենք` ԱՄՆ-ն գիշերը սկսել է ավիահարվածներ հասցնել Եմենի, այդ թվում՝ նրա մայրաքաղաք Սանայի ուղղությամբ, այն բանից հետո, երբ ԱՄՆ նախագահ Դոնալդ Թրամփը հրահանգել է ամերիկացի զինվորականներին վճռական գործողություններ ձեռնարկել Եմենի հյուսիսում իշխող «Անսար Ալլա» (հուսիներ) ռազմաքաղաքական շարժման դեմ, որին ԱՄՆ-ն վերջերս ներառել էր ահաբեկչական կազմակերպությունների ցուցակում:
