Զախարովան մեկնաբանել է Զելենսկիի հայտարարությունը
Ծիծաղելի է անկախության մասին դատողություններ լսել կախյալից, որը երկիրը գցել է տոտալ կախվածության մեջ: ՌԴ ԱԳ նախարարության պաշտոնական ներկայացուցիչ Մարիա Զախարովան IZ.ru-ի հետ զրույցում այսպես է մեկնաբանել Ուկրաինայի նախագահ Վլադիմիր Զելենսկիի հայտարարությունը, որ Ուկրաինան Ղրիմը և Դոնբասը երբեք չի ճանաչի որպես Ռուսաստանի տարածքի մաս:
«Ուկրաինայի Սահմանադրությունը Կիևի ռեժիմն արդեն իսկ խեղաթյուրել է։ Անպարկեշտ է դրան անդրադառնալը նրանց կողմից, ովքեր դա չեն հարգում, չեն ապրում դրանով և ժողովրդի ու պետության կյանքը բացարձակ հակասության են հասցրել երկրի հիմնական օրենքին»,- ասել է նա։
Ավելի վաղ Զելենսկին ասել էր, որ Ուկրաինան օկուպացված տարածքները որպես Ռուսաստանի մաս չի ճանաչի:
