Հարձակումը կարող է խաթարել խաղաղ կարգավորմանն ուղղված միտումները. Պեսկով

ՌԴ նախագահի խոսնակ Դմիտրի Պեսկովն անդրադարձել է այսօր առավոտյան Ուկրաինայի կողմից Մոսկվայի շրջանի վրա ԱԹՍ-ներով զանգվածային հարձակմանը։

Նա նշել է, թե այդ հարձակումը չի խափանի բանակցությունները, բայց կարող է խաթարել խաղաղ կարգավորմանն ուղղված միտումները։

«Այս պահին բանակցություններ չեն ընթանում: Իրենց իսկ խոստովանությամբ՝ ամերիկացիները փորձում են հասկանալ, թե որքանով է Ուկրաինան պատրաստ խաղաղ բանակցությունների: Քանի որ բանակցություններ դեռ չկան, ապա ոչինչ չկա խափանելու», - ասել է նա

Միաժամանակ, ըստ Պեսկովի, ԱԹՍ-ների հարձակումները կարող են խաթարել Ուկրաինայում իրավիճակի խաղաղ կարգավորմանն ուղղված միտումները։

Հարցին՝ ինչո՞ւ է հարձակումն իրականացվել այսօր, երբ Սաուդյան Արաբիայում ԱՄՆ-ի և Ուկրաինայի ներկայացուցիչների հանդիպումն է ընթանում, Պեսկովը պատասխանել է. «Հարցրեք Կիևի ռեժիմին»