«Անորա»-ն արժանացել է «Օսկար»-ի` «Տարվա լավագույն ֆիլմ» անվանակարգում
Ամերիկացի ռեժիսոր Շոն Բեյքերի «Անորա» ֆիլմը, որում նկարահանվել են հայ դերասաններ Կարեն Կարագուլյանն ու Վաչե Թովմասյանը, ռուս դերասաններ Մարկ Էյդելշտեյնը, Յուրա Բորիսովը, Ալեքսեյ Սերեբրյակովը և Դարյա Եկամասովան, արժանացել է «Օսկար»-ի «Լավագույն ֆիլմ» անվանակարգում։
Ինքը՝ Բեյքերը, ստացել է լավագույն ռեժիսորի արձանիկը, Մայքի Մեդիսոնը նույնպես ստացել է մրցանակ՝ կնոջ լավագույն դերակատարման համար
Ընդհանուր առմամբ ֆիլմն արժանացել է հինգ մրցանակի։
Ֆիլմը հաղթել է «Լավագույն ֆիլմ», «Լավագույն մոնտաժ» և «Լավագույն օրիգինալ սցենար» անվանակարգերում։
«Լավագույն դերասան» է ճանաչվել Էդրիեն Բրոդին՝ «Բրուտալիստը» ֆիլմի համար։
