Ոսկե քարտեր և 5 միլիոն դոլար՝ ԱՄՆ–ում ապրելու համար
ԱՄՆ նախագահ Դոնալդ Թրամփը հայտարարել է, որ ԱՄՆ-ն այսպես կոչված «ոսկե քարտեր» կվաճառի, ինչը օտարերկրացիներին իրավունք կտա ապրել և աշխատել ԱՄՆ-ում։ Այս մասին գրում է Интерфакс–ը:
«Մենք պատրաստվում ենք այս քարտի վրա մոտ 5 միլիոն դոլարի պիտակ դնել, և դա ձեզ կտա գրին քարտի առավելությունները, ինչպես նաև քաղաքացիություն: Եվ հարուստ մարդիկ կգան մեր երկիր և կգնեն այս քարտը», - լրագրողներին ասել է Թրամփը Օվալաձև սենյակում:
Հանդիպմանը մասնակցած ԱՄՆ առևտրի նախարար Հովարդ Լուտնիկը նշել է, որ «ոսկե քարտը» կփոխարինի կառավարության EB-5 ներգաղթյալ–ներդրողների վիզային ծրագրին։
«Իհարկե, նրանք (գնորդները) պետք է ստուգում անցնեն»,- հավելել է Լուտնիկը։
ԱՄՆ նախագահն իր հերթին առաջարկել է, որ քարտերի վաճառքը սկսվի մոտ երկու շաբաթից։
Հարցին, թե արդյոք նա այդ քարտերը կվաճառի նաև ռուս օլիգարխներին, Թրամփը պատասխանել է. «Այո, հնարավոր է։ Ես գիտեմ մի քանի ռուս օլիգարխների՝ շատ լավ մարդկանց»։
