Ով սպառնում է ոչնչացնել Իսրայելը նրա վերջը կգա. Իսրայելի ՊՆ
Իսրայելական կործանիչները Բեյրութի վրայով թռել են Հասան Նասրալայի հրաժեշտի արարողության ժամանակ: Նման հայտարարությամբ է հանդես եկել հրեական պետության պաշտպանության նախարար Իսրայել Կացը։
«Իսրայելի ռազմաօդային ուժերի ինքնաթիռները, որոնք ներկայումս պտտվում են Բեյրութի երկնքում Հասան Նասրուլլայի հուղարկավորության վայրի վրա, հստակ ազդանշան են փոխանցում. նրան, ով սպառնում է ոչնչացնել Իսրայելը և հարձակվում Իսրայելի վրա, վերջը կգա»,- նշված է եղել հայտարարության մեջ:
Ավելի վաղ Իսրայելի ռազմաօդային ուժերի չորս կործանիչներ հայտնվել էին Բեյրութի երկնքում «Հըզբոլլահ» կազմակերպության նախկին առաջնորդ Հասան Նասրուլլայի հուղարկավորության արարողության մեկնարկի պահին: Ինքնաթիռները շատ ցածր բարձրության վրա են անցել Բեյրութի հարավային շրջանների վրայով:
Նշենք, որ մարզադաշտում, որտեղ տեղի է ունենում սգո արարողությունը, հավաքվել են շուրջ 800 պաշտոնյաներ 65 երկրներից:
