
Երուսաղեմի հայկական թաղամասում կին է կացնահարվել

Երուսաղեմի քաղաքի հայկական թաղամասերից մեկում կացինով զինված տղամարդը ներխուժել է տներից մեկն ու հարձակվել 50-ն անց կնոջ վրա: Այս մասին հայտնել է Իսրայելի ազգային բժշկական ծառայությունը:
Նշվում է, որ կինը գտնվում է ծանր վիճակում: Վերջինս ստացել է մարմնի վերին և ստորին վերջույթների վնասվածքներ։ Նա հոսպիտալացվել է:
Հարձակվողը, որը դեպքի վայրից փախուստի էր դիմել, ձերբակալվել է: