Կարող է վերադառնանք «Նոյեմբերի 9-ին» և նույն ճանապարհը կրկնվի. ԱԽ քարտուղար
Հիմնավորումը ո՞րն է, որ նոյեմբերի 9-ի փաստաթղթով է հնարավոր կանխել հնարավոր պատերազմը: Այս մասին, այսօր՝ փետրվարի 20-ին, կառավարության նիստից հետո լրագրողների հետ զրույցում նշեց ԱԽ քարտուղար Արմեն Գրիգորյանը՝ անդրադառնալով ընդդիմադիր գործիչների կողմից հնչող պնդումներին, թե նոյեմբերի 9-ի փաստաթղթին, մասնավորապես, դրա 9-րդ կետին չվերադառնալու դեպքում Ադրբեջանը կարող է պատերազմով վերցնել միջանցքը:
«Հայաստանը եղել է նոյեմբերի 9-ի հայտարարության մաս եւ տեսել ենք՝ ինչ է տեղի ունեցել ԼՂ-ում: Ո՞րն է դրա փաստարկը, ինչպե՞ս են կարողանում մարդիկ այդպիսի փաստարկ բերել: Նոյեմբերի 9-ի հայտարարությունը բացի այդ կետից եւս 8 հոդված ունի, որոնց հետ տեսել ենք՝ ինչեր են տեղի ունեցել: Որց կարող է որեւէ մեկը, լինի քաղաքական գործիչ, կամ չլինի, այդ իրականությունը չընդունել եւ ասել՝ եւս մեկ հոդվածի համար մենք վերադառնանք: Կարող է վերադառնանք եւ նույն ճանապարհը կրկնվի, որը եղել է այն 8-ի հետ կապված: Դրա համար ես ընդհանրապես չեմ կիսում այդ կարծիքը»:
Հարցին՝ այդ դեպքում ինչու Հայաստանն իր ստորագրությունը հետ չի կանչում այդ հայտարարությունից, ԱԽ քարտուղարը պատասխանեց. «Դա արդեն ուրիշ քննարկման հարց է: Նոյեմբերի 9-ի հայտարարության հետ կապված որեւէ այլ հոդված գոյություն չունի եւ սա է դե ֆակտո իրականությունը»:
