Նեթանյահուն կրին սպառնացել է Իրանին
ԱՄՆ նախագահ Դոնալդ Թրամփը «ամենամեծ ընկերն է, որն Իսրայելը երբևէ ունեցել է Սպիտակ տանը», - ասել է Իսրայելի վարչապետ Բենիամին Նեթանյահուն ԱՄՆ պետքարտուղար Մարկո Ռուբիոյին՝ համատեղ մամուլի հայտարարության սկզբում անհարմար գրկախառնությունից հետո: Այս մասին հայտնում է Times of Israel-ը։
Ըստ Նեթանյահուի, ինքը և ԱՄՆ պետքարտուղարը աշխատակիցների հետ շատ արդյունավետ քննարկում ենք ունեցել մի շարք հարցերի շուրջ:
«Դրանցից ոչ մեկն ավելի կարևոր չէ, քան Իրանը։ Իսրայելն ու Ամերիկան ուս ուսի կանգնած են իրանական սպառնալիքին դիմակայելու հարցում։
Մենք համաձայն ենք, որ չի կարելի թույլ տալ, որ այաթոլլաները միջուկային զենք ունենան։ Մենք նաև համաձայնվել ենք, որ Իրանի ագրեսիան տարածաշրջանում պետք է դադարեցվի»,- հայտարարել է Նեթանյահուն։
Ըստ նրա, Թրամփի աջակցությամբ «մենք կարող ենք գործն ավարտին հասցնել»:
Ավելի վաղ Իրանը բազմիցս հայտարարել էր, որ միջուկային զենք ստեղծելու նպատակ չունի։
