Պեսկովը հերքել է Զելենսկու հայտարարությունը
Ռուսաստանի նախագահի մամուլի խոսնակ Դմիտրի Պեսկովը հերքել է, որ ռուսական անօդաչու թռչող սարքը գիշերը հարվածել է Չեռնոբիլի ատոմակայանի ավերված էներգաբլոկին։
«Միջուկային ենթակառուցվածքի օբյեկտներին, միջուկային էներգետիկ ենթակառուցվածքներին հարվածներ հասցնելու մասին խոսք անգամ չի կարող լինել։ Հակառակը պնդող ցանկացած հայտարարություն չի համապատասխանում իրականությանը»,- ասել է Պեսկով
Նա նաև հավելել է, որ ռուս զինվորականները այդպիսի բան չեն անում:
Հիշեցնենք՝ Զելենսկին ասել էր, որ Ռուսական հարվածային դրոնն այս գիշեր հարվածել է այն ատոմակայանին, որն աշխարհը պաշտպանում է Չեռնոբիլի ատոմակայանի ավերված 4-րդ էներգաբլոկի ճառագայթումից:
