Պուտինն ուրախ կլինի մայիսի 9-ին Թրամփին հյուրընկալել Մոսկվայում․ Պեսկով

ՌԴ նախագահ Վլադիմիր Պուտինն ուրախ կլինի Հայրենական Մեծ պատերազմում տարած հաղթանակի 80-ամյակի տոնակատարությանը Մոսկվայում հյուրընկալել խոշոր երկրների առաջնորդներին, այդ թվում ՝ ԱՄՆ նախագահ Դոնալդ Թրամփին, եթե նրանք ցանկանան գալ: Այս մասին հայտնել է ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը։ 

«Սա այն օրն է, որը խորհրդանշում է ֆաշիզմի դեմ հաղթանակը։ Եվ այս թեման, ցավոք, արդիական է այժմ, առավել քան երբևէ։ Եվ այդ պատճառով, եթե լինեն երկրներ, առավել ևս խոշոր երկրներ, որոնք կորոշեն մեզ հետ կիսել այդ հաղթանակի ուրախությունն ու այդ օրվա նշանակությունը, ապա, իհարկե, մենք և հատկապես նախագահ Պուտինը, ուրախ կլինենք հյուրընկալել նրանց Մոսկվայում», - ասել Է Կրեմլի ներկայացուցիչը։

«Իհարկե», - պատասխանել է նա այն հարցին, թե արդյոք պետության ղեկավարը ուրախ կլինի այդ օրը հյուրընկալել նաև ամերիկյան առաջնորդին:

Դմիտրի Պեսկովն ավելի վաղ հայտնել էր, որ նախագահ Դոնալդ Թրամփն ու Ռուսաստանի նախագահ Վլադիմիր Պուտինն օգնականներին հանձնարարել են անհապաղ սկսել բարձր մակարդակի հանդիպման նախապատրաստական աշխատանքները։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը: