Պետք է սպասել զարգացումներին. Պեսկով
Նախագահ Դոնալդ Թրամփն ու Ռուսաստանի նախագահ Վլադիմիր Պուտինն օգնականներին հանձնարարել են անհապաղ սկսել բարձր մակարդակի հանդիպման նախապատրաստական աշխատանքները։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը:
«Պետությունների ղեկավարները երեկ հեռախոսազրույցի ժամանակ պայմանավորվել են, որ կշարունակեն շփումը՝ կենտրոնանալով առանձին հանդիպման վրա, և անհապաղ հանձնարարականներ կտրվեն օգնականներին, որ նրանք սկսեն համապատասխան աշխատանքը: Այժմ աշխատանքն արագ կսկսվի: Անհրաժեշտ կլինի սպասել զարգացումներին, արդեն, գուցե, հաշվի առնելով վայրն ու ժամկետները», - ասել Է Պեսկովը։
