Ծախսվել է գումարը, մեծ մասը՝ խարդախությամբ. Թրամփ
ԱՄՆ Միջազգային զարգացման գործակալության (USAID) բարեփոխման որոշումներն անշրջելի են, այնտեղ կոռուպցիան աննախադեպ մակարդակի վրա է, ասել է ԱՄՆ նախագահ Դոնալդ Թրամփը։
«Արմատական ձախերը խելագարվում են USAID-ի պատճառով: Եվ նրանք ոչինչ չեն կարող անել դրա դեմ, քանի որ ծախսվել է գումարը, մեծ մասը՝ խարդախությամբ, դա բացարձակապես անընդունելի է: Կոռուպցիան չտեսնված մակարդակի վրա է: Փակեք այն»,- գրել է Թրամփը իր Truth Social սոցիալական ցանցում։
Ավելի վաղ ամերիկյան դիվանագիտական և պետական ծառայողների արհմիությունները հայց էին ներկայացրել՝ պահանջելով չեղարկել ԱՄՆ ՄԶԳ-ի վերաբերյալ Թրամփի որոշումները։
