Թրամփի վերադարձը փոխել է ուժերի հավասարակշռությունը Մերձավոր Արևելքում
ԱՄՆ նախագահ Դոնալդ Թրամփի վերադարձը Սպիտակ տուն փոխել է ուժերի հավասարակշռությունը Մերձավոր Արևելքում։ Նման կարծիք չորեքշաբթի հայտնել է Իսրայելի վարչապետ Բենիամին Նեթանյահուն։
«Թրամփի վերադարձը Սպիտակ տուն հսկայական աջակցություն է տալիս նրանց, ովքեր ցանկանում են ճնշել Իրանի կողմից ագրեսիան: ...Այն ոգեշնչում է Իսրայելին և բոլոր նրանց, ովքեր ցանկանում են, որ Մերձավոր Արևելքը տարբերվի, լինի բարեկեցիկ և խաղաղ: Կարծում եմ՝ դա փոխում է գլոբալ իրավիճակը և միանշանակ փոխում է իրավիճակը Մերձավոր Արևելքում»,- ասել է Իսրայելի վարչապետը Fox News-ին տված հարցազրույցում։
Նեթանյահուն նաև պնդել է, որ ԱՄՆ-ի հետ համագործակցությունը Իսրայելին թույլ կտա «լուրջ» արդյունքի հասնել և փոխել Մերձավոր Արևելքը։
