Հակոբ Արշակյանը` վերջին «սենսացիոն» բացահայտումների մասին
«Վերջին «սենսացիոն» բացահայտումների մասին, թե ինչպես էին ԴԱՀԿ աշխատակիցները եկել մեր տուն։ Այս մասին ֆեյսբուքյան իր էջում գրել է ԱԺ փոխնախագահ Հակոբ Արշակյանը և կից տեսանյութ հրապարակել:
«Սերժ Սարգսյանի նախագահության ընթացքում, այսպես կոչված, «Հրայրթովմասյանական կալանքների» համակարգով, Միհրան Պողոսյանի ղեկավարած ԴԱՀԿ ծառայությունն ԱՄՆ գործուղմանս ընթացքում բոլոր հաշիվներիս վրա կալանք էր դրել: Կալանք էին դրել նաև բնակարանի և մեքենայի վրա։
Շաբաթներ անց 4 հարկադիր ծառայողներ էին գործուղել ծնողներիս բնակարան այն ժամին, երբ ես աշխատանքի էի, և աշխատակիցները հայտնվել էին անհարմար դրության մեջ:
Անպայման դիտեք, խոստանում եմ` շատ հետաքրքիր է։
Հ․Գ․ Խնդրում եմ չթիրախավորել ԴԱՀԿ աշխատակիցներին, հաշվի առնելով, որ նրանք իրենց աշխատանքային պարտավորություններն են կատարում և այս իրավիճակում են հայտնվել իրենց տրված հրամանների և սխալ ներդրված համակարգի պատճառով»,- գրել է նա:
