ԱՄՆ նոր պետքարտուղարը կոչ է արել Գազան նորից գեղեցկացնել
ԱՄՆ նոր պետքարտուղար Մարկո Ռուբիոն կոչ է արել «կրկին գեղեցկացնել Գազան»՝ ի պատասխան ԱՄՆ նախագահ Դոնալդ Թրամփի՝ Գազայի հատվածը «վերահսկելու» ԱՄՆ պատրաստակամության մասին հայտարարություններին։
Ավելի վաղ Թրամփը հայտարարել էր, որ ԱՄՆ-ը «վերահսկելու է» Գազայի հատվածը և պատասխանատու կլինի տարածաշրջանի վերակառուցման աշխատանքների համար, ինչպես նաև այն կվերածի «Մերձավոր Արևելյան Ռիվիերայի» աշխարհի համար: Միաժամանակ նա Գազայի ներկայիս հատվածն անվանել է «քանդման ենթակա վայր» և հայտարարել, որ դրա բնակիչները պետք է ընդմիշտ մեկնեն այլ երկրներ՝ որպես իրենց բնակության վայրեր առաջարկելով, մասնավորապես, Հորդանանը կամ Եգիպտոսը։ Նա նաև չի բացառել, որ ԱՄՆ-ը կարող է իր բանակը Գազա ուղարկել և խոստացել է, որ անձամբ կայցելի այնտեղ։
«Գազան պետք է հեռու լինի ՀԱՄԱՍ-ից, իսկ ԱՄՆ-ն պատրաստ է առաջնորդություն ստանձնել և Գազան կրկին գեղեցիկ դարձնել»,- գրել է Ռուբիոն X սոցիալական ցանցի իր էջում։
Ռուբիոն այս կերպ անդրադարձել է ընտրված Թրամփի հայտնի կարգախոսին՝ «Դարձնենք Ամերիկան կրկին մեծ»։
