Թրամփի վարչակազմը պաշտոնանկ է արել USAID-ի 2 բարձրաստիճան պաշտոնյայի
Դոնալդ Թրամփի վարչակազմը պաշտոնանկ է արել ԱՄՆ Միջազգային զարգացման գործակալության (USAID) անվտանգության երկու բարձրաստիճան պաշտոնյաների:
Ինչպես հայտնում է Associated Press-ը, պատճառը եղել է ձեռնարկատեր Իլոն Մասկի տեսչական խմբերին գաղտնի նյութերին հասանելիություն տրամադրելու մերժումը։
USAID-ի անվտանգության բարձրաստիճան պաշտոնյաներից՝ Ջոն Վուրհիսից և նրա տեղակալ Բրայան ՄաքԳիլից, օրենքով պահանջվում էր չտրամադրել գաղտնի նյութերի հասանելիություն, քանի որ Իլոն Մասկի DOGE ոչ կառավարական կազմակերպության անդամները («Կառավարության արդյունավետության վարչություն», որը ԱՄՆ կառավարության իրական դեպարտամենտ չէ) չունեին գաղտնի տեղեկատվության հասանելիության բավարար թույլտվություն:
