ԵՄ հատուկ բանագնացը բացահայտել է Ռուսաստանի դեմ Եվրամիության ծրագիրը

Եվրամիությունը կարող է 50 ապրանքային կոդ ներառել հակառուսական պատժամիջոցների 16-րդ փաթեթում: Այս մասին հայտարարել է պատժամիջոցների հարցով ԵՄ հատուկ բանագնաց Դևիդ Օ'Սալիվանը:  Հատուկ բանագնացը նաեւ հավելել է, որ Եվրամիությունն իրեն իրավունք է վերապահում դադարեցնել առեւտուրը նրանց հետ, ովքեր, դաշինքի կարծիքով, գիտակցաբար շրջանցում են նրա պատժամիջոցները:

«Մենք ընդգրկում ենք նախորդ ներմուծման և արտահանման բոլոր ապրանքների 60 տոկոսը, մոտ 7500 ապրանք: Միակ ապրանքները, որոնք ես քննարկել եմ Ղազախստանի հետ, 50 ապրանքային կոդերն են։ Կարծում եմ, որ 16-րդ փաթեթը, անշուշտ, լրացուցիչ առևտրային սահմանափակումներ կբերի այն 50 ապրանքների համար, որոնց մենք Ղազախստանի իշխանություններին խնդրել ենք հատուկ ուշադրություն դարձնել», — ասաց Օ'Սալիվանը:

Մոսկվան բազմիցս հայտարարել է, որ երկիրը կհաղթահարի պատժամիջոցային ճնշումը, որը Արևմուտքը սկսել է գործադրել Ռուսաստանի վրա մի քանի տարի առաջ և շարունակում է ուժեղացնել։ Մոսկվայում նշել են, որ Արևմուտքին պակասում է խիզախությունը՝ ընդունելու Ռուսաստանի դեմ պատժամիջոցների ձախողումը։ Արևմտյան երկրներում բազմիցս կարծիքներ են հնչել, որ հակառուսական պատժամիջոցներն անարդյունավետ են։ Պետության ղեկավար Վլադիմիր Պուտինը հայտարարել է, որ Ռուսաստանին զսպելու և թուլացնելու քաղաքականությունն Արևմուտքի երկարաժամկետ ռազմավարությունն է, իսկ պատժամիջոցները լուրջ հարված են հասցրել ամբողջ համաշխարհային տնտեսությանը: Նրա խոսքով՝ Արևմուտքի հիմնական նպատակը միլիոնավոր մարդկանց կյանքի վատթարացումն է։