Դուրս են բերվել Վաշինգտոնում կործանված ինքնաթիռի սև արկղերը
Վաշինգտոնում ուղղաթիռի հետ բախված ինքնաթիռի երկու սև արկղերը հայտնաբերվել և դուրս են հանվել Պոտոմակ գետից։ Այս մասին հայտնել է ABC-ն։
Ինքնագրիչները ներկայացվել են ԱՄՆ տրանսպորտի անվտանգության ազգային խորհուրդ՝ վերծանման համար։
Հիշեցնենք՝ Վաշինգտոնի Ռեյգանի անվան ազգային օդանավակայանի մոտ Պոտոմակ գետի վրա ուղևորատար ինքնաթիռը վայրէջք կատարելիս բախվել է զինվորական ուղղաթիռին:
Ռեյգանի միջազգային օդանավակայանի մերձակայքում «Black Hawk» ռազմական ուղղաթիռի և Կանզասից ուղևորատար ինքնաթիռի բախումը կարող է լինել վերջին 15 տարվա ընթացքում ամենասարսափելի օդային աղետը:
