Սահակյանը չի կալանավորվել. մանրամասներ
Հակակոռուպցիոն դատարանը որոշել է պետգույքի կառավարման վարչության նախկին պետ, նախկին պատգամավոր Արման Սահակյանի նկատմամբ խափանման միջոց ընտրել ոչ թե կալանքը, այլ՝ կիրառվել է վարչական հսկողություն: Այս մասին «Radar Armenia»-ն տեղեկացել է հակակոռուպցիոն դատարանի խոսնակ Արմինե Նովրուզյանից։
Հիշեցնենք որ, ՔԿ-ն հայտնել էր, որ ձերբակալվել է պետգույքի կառավարման վարչության նախկին պետ, նախկին պատգամավոր Արման Սահակյանը և այլ անձինք, որոնք 2012-15թթ. Երևանում 3 ուսհաստատությունների զբաղեցրած տարածքների վերաճշտման պատրվակով, ապօրինի կերպով առանձնացրել են հողատարածքներ, որոնց հանցավոր ծագումը, իրավունքները և պատկանելիությունը թաքցնելու նպատակով նշված անշարժ գույքերը ձևական աճուրդների միջոցով օտարել են իրենց հետ փոխկապակցված անձանց:
