Հակոբյանը` իր տան գողության և վնասի չափի մասին

Տունս թալանել են, տարել են գումար, մի քանի ոսկյա շղթա, մեկ ժամացույց։ Այս մասին այսօր ԱԺ-ում լրագրողների հետ զրույցում ասել է ՔՊ-ական պատգամավոր Հրաչյա Հակոբյանն՝ ընդգծելով, որ ընդհանուր վնասի չափը կազմել է 7,5-8 մլն դրամի չափով։

«Հանցագործությունների աճն իհարկե մտահոգող է, բայց այնպես չի, որ նախկինում չեն եղել»,- նշել է նա:

Վերջինս նաև հայտնեց որ դեպքը տեղի է ունեցել դեկտեմբերի 28-ին, սակայն ինքը ոստիկանությանն է դիմել հունվարի 14-ին, քանի որ երկրում չի եղել։

«ԱՄՆ-ում եմ եղել, իմ երեխաները բնակվում են ԱՄՆ-ում։ Նախկին կնոջս հետ ամուսնալուծված ենք, նա ամուսնացել է ԱՄՆ-ում բնակվող քաղաքացու հետ, ես էլ դեմ չեմ եղել, որ երեխաները ապրեն իրենց մոր հետ»։