Թրամփին դատի են տվել նախագահության առաջին իսկ օրը
Աշխատանքի առաջին իսկ օրը ԱՄՆ նախագահ Դոնալդ Թրամփին դատի են տվել։ Դա պայմանավորված է նրա նոր հրամանով, որը հեշտացնում է դաշնային աշխատակիցներին աշխատանքից հեռացնելը: Հայցը ներկայացրել է գանձապետական աշխատողների արհմիությունը, որը ներկայացնում է 37 գերատեսչությունների շահերը, գրում է Bloomberg-ը։
«Նախագահ Դոնալդ Թրամփին դատի են տալիս մի հրամանի համար, որը հեշտացնում է պետական բարձրաստիճան պաշտոնյաներին աշխատանքից հեռացնելը»,- նշվում է հրապարակման մեջ:
Նշվում է, որ Թրամփը ստեղծում է աշխատողների կատեգորիա, որոնք կարող են հեռացվել աշխատանքից առանց բողոքարկման։ Նախագահի գործողությունները, իբր, չեն համապատասխանում օրենսդիր մարմնի մտադրությանը, քանի որ ԱՄՆ Կոնգրեսը սահմանել է «պատշաճ գործընթացի իրավունք» դաշնային աշխատողների համար։
