Մեծահարուստների համար բունկեր կկառուցվի 3-րդ համաշխարհայինի դեպքում ապաստանելու համար
Ամերիկյան Վիրջինիա նահանգում մեծահարուստների համար բունկեր կկառուցվի երրորդ համաշխարհային պատերազմի դեպքում ապաստանելու համար, գրում է Daily Mail-ը։
Ապաստարանը կարժենա 300 միլիոն դոլար, որում կկարողանան մնալ աշխարհի 625 ամենահարուստ մարդիկ: Նրանցից յուրաքանչյուրը 20 միլիոն դոլար կվճարի SAFE ընկերությանը, որը ներկայացրել է շքեղ ամրության նախագիծը:
Բունկերը կառուցողներն իրենց հաճախորդներին խոստանում են «շքեղ ռեստորաններ», բոուլինգի հրապարակ, մագլցման պատ, փակ լողավազան և արհեստական ինտելեկտի օգտագործմամբ բժշկական կենտրոն։
