Մենք տեսնում ենք կայուն դրական ազդեցություն. Միրզոյանը` Լավրովին

Հայաստանի արտգործնախարար Արարատ Միրզոյանը Մոսկվայում ՌԴ ԱԳ նախարար Սերգեյ Լավրովի հետ հանդիպմանը հայտարարեց, որ հայ-ռուսական համագործակցության կարևոր բաղադրիչը տնտեսությունն է:

«Մենք տեսնում ենք կայուն դրական ազդեցություն, որը բարենպաստ է անդրադառնում առևտրային հարաբերությունների զարգացման վրա»,- ասաց Միրզոյանը։

Նա նշեց, որ իր այցը նաև համագործակցության զարգացմանն ուղղված ջանքերի մի մասն է այնպիսի ձևաչափերում, ինչպիսիք են տնտեսական համագործակցության միջկառավարական հանձնաժողովը, միջխորհրդարանական հանձնաժողովները և այլ կարևոր հարթակներ:

«Սա վերաբերում է նաև ԵԱՏՄ-ի շրջանակներում տնտեսական փոխգործակցությանը, որում Հայաստանը, կարծում եմ, բավականին հաջողությամբ ավարտեց իր նախագահությունը դեկտեմբերին»,- ասաց Միրզոյանը։