ԱՄՆ-ի օգնությունը այլ երկրներին կդադարեցվի․ Թրամփ
ԱՄՆ նոր առաջնորդ Դոնալդ Թրամփը հրաման է ստորագրել՝ 90 օրով ժամանակավորապես դադարեցնելու այլ երկրներին ԱՄՆ-ի օգնության բոլոր ծրագրերը Այս մասին հայտնել է RT-ն։
Նշվում է, որ առաջիկայում ստուգում է իրականացվելու՝ պարզելու, թե արդյոք աջակցության տրամադրումը համապատասխանում է նոր վարչակազմի քաղաքական նպատակներին։
«Օտարերկրյա հետագա որևէ օգնություն չպետք է հատկացվի այնպես, որ չհամապատասխանի ԱՄՆ նախագահի արտաքին քաղաքականությանը»,- հայտարարել է նա։
Առայժմ պարզ չէ, թե օգնության ինչ չափի վրա կազդի համապատասխան հրամանագիրը:
Թրամփը նաև հրամաններ է ստորագրել Առողջապահության համաշխարհային կազմակերպությունից և կլիմայի մասին Փարիզի համաձայնագրից ԱՄՆ–ի դուրս գալու վերաբերյալ:
