Վաշինգտոնն ու Լոնդոնը շահագրգռված են, որ «ԵՄ–ը կառչած մնա ԱՄՆ–ի հեղուկ բնական գազից». Նեբենզյա
«Թուրքական հոսքը» հարձակման է ենթարկվել ԱՄՆ-ից և Մեծ Բրիտանիայից ստացված տեղեկության միջոցով: Այս մասին հայտարարել է ՄԱԿ-ում Ռուսաստանի Դաշնության մշտական ներկայացուցիչ Վասիլի Նեբենզյան:
Ուկրաինայի հարցով Անվտանգության խորհրդի նիստում նա ասել է, որ Կիևը փորձում է ապացուցել, թե դեռևս կարող է պայքարել, եթե նույնիսկ մոբիլիզացիայի տարիքը իջեցնի մինչև 18 տարեկան։
Դիվանագետի խոսքով, չպետք է մոռանալ, որ «հենց այս երկրներն են խոչընդոտում 2022 թվականի սեպտեմբերին «Հյուսիսային հոսքի» վրա տեղի ունեցած ահաբեկչության վերաբերյալ օբյեկտիվ միջազգային հետաքննության մեկնարկին»։
Նեբենզյան նաև հիշեցրել է ուկրաինացի առաջնորդ Վլադիմիր Զելենսկու կողմից Ուկրաինայի տարածքով դեպի Եվրոպա գազի տարանցման պայմանագիրը երկարաձգելու մերժումը՝ եզրակացնելով, որ Վաշինգտոնն ու Լոնդոնը շահագրգռված են նրանով, որ «ԵՄ–ը կառչած մնա ԱՄՆ–ի թանկարժեք հեղուկ բնական գազից»:
Ռուսական մշտական առաքելության ղեկավարը հավելել է, որ ուկրաինացիներն ավելի ու ավելի հստակ են ցույց տալիս Արևմուտքի աշխարհաքաղաքական շահերի համար պայքարելու իրենց պատրաստակամությունը, իսկ բուն Ուկրաինայում ավելի քան կես միլիոն մարդ հետախուզվում է մոբիլիզացիայից խուսափելու համար։
