Ռուսաստանը և Իրանը երաշխավորում են միմյանց նկատմամբ սահմանափակումների չկիրառումը
Ռուսաստանը և Իրանը երաշխավորում են միմյանց նկատմամբ սահմանված հարկադրանքի միջոցների չկիրառումը, որոնք ուղղակի կամ անուղղակի կերպով ուղղված են կողմերից որևէ մեկին, ներառյալ տվյալ երկրի ֆիզիկական և իրավաբանական անձանց:
Այս դրույթը ներառված է երկու երկրների նախագահների կողմից ստորագրված Համապարփակ ռազմավարական գործընկերության համաձայնագրում, գրում է ТАСС–ը:
Նշվում է, որ Ռուսաստանը և Իրանը «դեմ են միակողմանի հարկադրանքի միջոցների կիրառմանը, այդ թվում՝ արտատարածքային բնույթի, և դրանց ներդրումը համարում են միջազգայնորեն անօրինական և ոչ բարեկամական գործողություն»։
Ավելի վաղ հայտնել էինք, որ Ռուսաստանի նախագահ Վլադիմիր Պուտինն ու Իրանի նախագահ Մասուդ Փեզեշքիանը համաձայնագիր են ստորագրել Ռուսաստանի և Իրանի միջև համապարփակ ռազմավարական գործընկերության մասին։
