Պուտինն ու Փեզեշքիանը ստորագրեցին համապարփակ ռազմավարական գործընկերության համաձայնագիր
Ռուսաստանի նախագահ Վլադիմիր Պուտինն ու Իրանի նախագահ Մասուդ Փեզեշքիանը համաձայնագիր են ստորագրել Ռուսաստանի և Իրանի միջև համապարփակ ռազմավարական գործընկերության մասին։ Այս մասին հայտնում է RIA Novosti-ն։ Փաստաթղթի ստորագրումը տեղի է ունեցել Իրանի նախագահի՝ Ռուսաստան կատարած այցի ընթացքում։
Համաձայնագիրը նախատեսում է Հյուսիս-Հարավ միջազգային տրանսպորտային միջանցքի (ՄՏՀ) ավարտը և ապրանքաշրջանառության ծավալների ավելացումը։ Թեհրանն ու Մոսկվան, նոր համաձայնագրի շրջանակներում, մտադիր են համագործակցել էներգիայի արտադրության, փոխանցման և արտահանման ոլորտում, նախատեսվում է նաև նոր տեխնոլոգիաների փոխանցում վերականգնվող էներգիայի ոլորտում։ Բացի այդ, Ռուսաստանի և Իրանի միջև կնքված ռազմավարական համաձայնագիրը զբոսաշրջիկների համար կպարզեցնի ճանապարհորդության պայմանները և կստեղծի համատեղ մշակութային ծրագրեր։
