Հանդիպել են Ադրբեջանի և Վրաստանի ԱԳ նախարարները. մանրամասներ

Ադրբեջանի Զինված ուժերի Գլխավոր շտաբի պետ Քերիմ Վելիևը ՆԱՏՕ այցի շրջանակներում հանդիպել է Թուրքիայի Հանրապետության զինված ուժերի գլխավոր շտաբի պետ Մեթին Գյուրակի հետ։ Այս մասին ասված է Թուրքիայի պաշտպանության նախարարության հրապարակման մեջ։

Միևնույն ժամանակ այսօր Բաքու է մեկնել Վրաստանի արտգործնախարար Մակա Բոչորիշվիլին: Նա արդեն հանդիպում է ունեցել Ադրբեջանի արտգործնախարար Ջեյհուն Բայրամովի հետ, հայտնում են ադրբեջանական լրատվամիջոցները:

Ավելի վաղ հաղորդվել էր, որ Վրաստանի վարչապետ Իրակլի Կոբախիձեն հունվարի 17-ին պաշտոնական այցով կմեկնի Ադրբեջան։ Կոբախիձեն հանդիպում կունենա Ադրբեջանի նախագահ Իլհամ Ալիևի հետ:

Նաև Վրաստանի և Ադրբեջանի վարչապետների գլխավորությամբ Բաքվում կանցկացվի տնտեսական համագործակցության միջկառավարական հանձնաժողովի 10-րդ նիստը։

Վրացական պատվիրակության կազմում կլինեն էկոնոմիկայի, արտաքին գործերի նախարարության, գյուղատնտեսության, մշակույթի նախարարության ղեկավարները և կառավարության վարչակազմի ղեկավարը։