Ստեղծվել է Ոստիկանության բարեփոխումները համակարգող խորհուրդ
Հունվարի 15-ին Վարչապետ Նիկոլ Փաշինյանը որոշում է ստորագրել, որով ստեղծվել է Ոստիկանության բարեփոխումները համակարգող խորհուրդ։ Հաստատվել է խորհրդի անհատական կազմը։ Խորհրդի հիմնական նպատակն է համակարգել ռազմավարությամբ սահմանված առաջնահերթությունները և դրանցից բխող միջոցառումները։ Կարևորելով քաղաքացիական հասարակության ներգրավումը ՆԳՆ բարեփոխումների գործընթացներում՝ համակարգող խորհրդի կազմում նախատեսվում է ընդգրկել նաև 4 հասարակական կազմակերպությունների ներկայացուցիչներ։
Այն ղեկավարելու է վարչապետ Նիկոլ Փաշինյանը։ Խորհրդի կազմում ընդգրկված են նաև մի շարք նախարարներ, այդ թվում՝ ՆԳ, ՊՆ, արդարադատության, ֆինանսների, առողջապահության, ԿԳՄՍ, ԲՏԱ, ՇՄ, աշխատանքի և սոցիալական հարցերի նախարարները։ Հանձնաժողովում ընդգրկված են նաև ԱԽ քարտուղարը, ԱԱԾ պետը, արտաքին հետախուզության ծառայության ղեկավարը և այլ պաշտոնյաներ։
