Մենք Ադրբեջանի հետ մրցակցության մեջ չենք մտնում. Պապիկյան

Այսօր մամուլի ասուլիսի ժամանակ ՀՀ պաշտպանության նախարար Սուրեն Պապիկյանն անդրադարձել է Հայաստանի ու Ադրբեջանի ռազմական բալանսին:

«Մենք չենք մտնում որևէ երկրի, այդ թվում՝ Ադրբեջանի հետ մրցակցության։ Բնականաբար, ակնհայտ է, որ երկու երկրների բյուջեները, հնարավորությունները անհամեմատելի են՝ իրենց բոլոր հետևանքներով։ Եվ հենց դրա դրան է վերաբերում մեր առաջարկը, որ եթե ուզում ենք տարածաշրջանային երկարաժամկետ խաղաղություն, պիտի նաև ունենանք սպառազինությունների վերահսկման մեխանիզմ»,- ասել է նա։

Անդրադառնալով Հայաստանից օկուպացված տարածքներին՝ նա նշել է. «Հայաստանի ռազմաքաղաքական ղեկավարության մոտ կա որոշում, որ Հայաստանի օկուպացված շուրջ 200 կմ2 տարածքը, որի մաս է կազմում Ջերմուկի մերձակա բարձունքը, պետք է բանակցությունների միջոցով լուծվեն, և հարցը հասցեագրված է սահմանազատման, սահմանագծման և սահմանների անվտանգության հանձնաժողովին»։