Որտեղ է գրված, որ պաշտոնում պարտադիր պետք է տղամարդ լինի. Գալյան

Ես չեմ հասկանում աշխատանքի առումով խտրական վերաբերմունքը նախ՝ կանանց, ապա երիտասարդների նկատմամբ։ Երիտասարդները, ովքեր ստացել են լավ կրթություն և ունեն որոշակի փորձ, իսկ իմ բոլոր խորհրդականները լավ փորձ ունեն, շատ ավելի եռանդով ու պրոդուկտիվ կարող են լինել, քան տարեցները, իհարկե, չեմ նսեմացնում տարեց մարդկանց կենսագրությունը, աշխատանքն ու անձը: Այս մասին լրագրողների հետ զրույցում ասաց Արդարադատության նախարար Սրբուհի Գալյանը։

«Իսկ ինչո՞ւ ոչ։ Որտե՞ղ է գրված, որ ինչ-որ պաշտոնում պարտադիր պետք է տղամարդ լինի, սովորույթի՞ ուժով։ Ինչո՞ւ։ Եկեք հասկանանք, թե որտեղ է խնդիրը թաքնված և արդյո՞ք ճիշտ է եղել, որ նախկինում բոլոր պատասխանատու պաշտոններում եղել են տղամարդիկ։ Այսօր մեր պետությունը, փառք Աստծո, հավասար հնարավորություններ է ապահովում կանանց և տղամարդկանց համար՝ հավասար կրություն ստանալու, մրցակցային դաշտն ազատ է։ Իմ փորձը ցույց է տալիս, որ մեր աղջիկները բավականին մրցունակ են և որոշ դեպքերում իրենց պատասխանատվությամբ, աշխատասիրությամբ, գործադրած ջանքերով տղամարդկանցից առաջ են»,- նշեց նա։