Թրամփը Պուտինի հետ հանդիպում է նախապատրաստում

ԱՄՆ նորընտիր նախագահ Դոնալդ Թրամփը հայտարարել է, որ ՌԴ նախագահ Վլադիմիր Պուտինը ցանկություն է հայտնել հանդիպել իր հետ, կողմերը պատրաստվում են նման հանդիպման: Այս մասին տեղեկացնում է «ՌԻԱ Նովոստին»։

«Նա ցանկանում է հանդիպել, և մենք զբաղվում ենք կազմակերպմամբ», – ասել Է Թրամփը:

Այն հարցին, թե հնարավոր է արդյոք եռակողմ հանդիպում իր, Պուտինի և Չինաստանի առաջնորդ Սի Ծինփինի միջև, Թրամփը պատասխանել է, որ դա կորոշվի ավելի ուշ:

Ավելի վաղ Ռուսաստանի նախագահը հայտարարել էր, որ պատրաստ է Թրամփի հետ զրույցի և հանդիպման՝ նշելով, որ եթե նման հանդիպում կայանա, ապա երկու նախագահները խոսելու բան կունենան: