Մեծ Բրիտանիայի վարչապետը՝ Իլոն Մասկի թիրախում

Վերջին կես տարում Իլոն Մասկը հաճախ քննադատում է Մեծ Բրիտանիայի վարչապետ Քիր Սթարմերին։ Այս մասին հայտնում է «Meduzan»-ն:

Հունվարին նա պահանջել էր, որ Մեծ Բրիտանիայում հետաքննեն երկրի մի քանի քաղաքներում աղջիկների սեռական շահագործման դեպքերը, որոնցով զբաղվում էին հիմնականում պակիստանցիներից կազմված էթնիկ ավազակախմբերը:

Մասկը մեղադրել է Սթարմերին, որը նախկինում ղեկավարում էր Թագավորական դատախազական ծառայությունը և զբաղվում էր երեխաների նկատմամբ սեռականացված բռնության հարցերով, այն բանում, որ նա անտեսել է տուժածների և նրանց ծնողների վերաբերմունքը:

Սթարմերն ի պատասխան հունվարի 6-ին հայտարարել է, որ նրանք, ովքեր «սուտ լուրեր են տարածում», շահագրգռված չեն հանցագործության զոհերով:

Մասկը ուսումնասիրել է, թե արդյոք հնարավոր է աջակցություն ստանալ Մեծ Բրիտանիայի այլընտրանքային քաղաքական շարժումներից, մասնավորապես՝ Մեծ Բրիտանիայի աջ պոպուլիստական կուսակցությունից՝ Սթարմերին հեռացնելու համար:

Պարբերականը նշում է, որ Մասկը նաև Ֆարաժին փոխարինող է փնտրում կուսակցության ղեկավարի պաշտոնում:

Մասկն ուսումնասիրում է, թե ինչպես կարող է իր դաշնակիցների հետ ապակայունացնել Մեծ Բրիտանիայի Լեյբորիստական կառավարությունը «բացի իր ագրեսիվ գրառումներից» X սոցցանցում: