Մեքսիկայի նախագահի պատասխանը՝ Թրամփի առաջարկին
Մեքսիկայի նախագահը պատասխանել Է Մեքսիկական ծոցը Ամերիկյան անվանափոխելու Թրամփի առաջարկին և ցուցադրել «մեքսիկական Ամերիկայի» քարտեզը:
Կլաուդիա Շեյնբաումը ճեպազրույցի ժամանակ ցույց է տվել 1607 թվականի քարտեզը, որտեղ Հյուսիսային Ամերիկայի տարածքի մեծ մասը նշված է որպես «մեքսիկական Ամերիկա»։
«Լավ է հնչում, այնպես չէ»,- նշել է Շեյնբաումը:
Նախագահից հետո ելույթ ունեցավ Մեքսիկայի մշակույթի նախկին նախարար Խոսե Ալֆոնսո Սուարեզ դել Ռեալը: Նա ընդգծել է, որ «Մեքսիկական ծոց» անվանումը միջազգայնորեն ճանաչված է և օգտագործվում է դարեր շարունակ:
Հիշեցնենք՝ հունվարի 7-ին Դոնալդ Թրամփը հայտարարել էր, որ ցանկանում է Մեքսիկական ծոցի անունը փոխել Ամերիկյան ծոցի: Նա նաև խոստացել է դադարեցնել «անօրինական ներգաղթը» Մեքսիկայից և զգալի մաքսատուրքեր սահմանել Կանադայից և Մեքսիկայից ԱՄՆ առաքվող ապրանքների համար:
