ՀՀ-ում այնքան թոշակ չի բարձրացվել, որքան բարձրացվել է վերջին 5 տարում. Փաշինյան

Մենք ամեն օր, ամեն ամիս, ամեն տարի ավելացնում են թոշակները։ Այս մասին կառավարության նիստում հայտարարել է ՀՀ վարչապետ Նիկոլ Փաշինյանը:

«Մեզ քննադատում են, որ թոշակառուներին շահագործում ենք, որ նրանց թոշակները բարձրանան ստվերի կրճատման և այլնի համար»,- նշել է նա:

Փաշինյանի խոսքով՝ պետության կայացման համար ամեն մեկը մի ջանք պետք է գործադրի:

«Ու ոչ մի վատ բան չկա, որ թոշակառուները նույնպես ջանք գործադրեն»,- հավելել է նա։

Ինչպես նաև Փաշինյանը նշեց, որ կա հաղորդակցության խնդիր. «Մեկ էլ տեսնում ես, մարդը խոսում է, ասում է՝ «էլի թոշակը չբարձրացրին»։ Լսեք, Հայաստանում երբեք 5 տարվա մեջ այնքան թոշակ չի բարձրացվել, ինչքան բարձրացվել է վերջին 5 տարվա մեջ, գնացեք, պատմությունը նայեք։ ՀՀ պատմության մեջ առաջին անգամ 2022 թվականին նվազագույն թոշակն ավելի բարձր է, քան նվազագույն պարենային զամբյուղը»: